حوار مع عقول كريزي (لو يهمك شكلك علي المنتدي ادخل )

اولا اعرفكم بنفسي
انا ساره يوسف
انا مش جايه اقول لا عندي خبره في المنتديات ولا اجمل من نفسي ولا حتي جايه ارفع شعارات
بس انا جايه ارمي كلمتين وهسبكم مع عقولكم شويه
هو المنتدي ,,,,,,,,,اي منتدي بشكل عام مجرد مكان للعب والهزار وخلاص
ولا دا بيبقا صرح كبير بيحتوي علي جميع الثقافات وجميع الاعمار صغير كبير اياُ كان
طيب لو انت حاطط موضوع بالنسسبه ليك مهم جدا وجه حد ورد ب (شكرا -ميرسي -موز -ثاكس -ميت فل -ديل يا مان ) بالذمه دا رد ..........دا لو حتي اصلا قرأ كلمتين في الموضوع يبقا كرم منه اوي
طيب اللي بيحاول علي قدر الامكان يزود عدد مشاركاته دي لفضول في نفسه مش اكتر انه يبقا السوبر ستار او عضو نشط ...........فين عقلك بقا انت كدا بضيع وقتك وخلاص ............بدون فايده ..يعني لا فدت ولا استفدت ........يعني انت بمثابه عبء وخلاص علي المنتدي
طيب سيبك من كلامي الفارغ دا كله
انتوا تفتكروا بالطريقه دي المنتدي ممكن يكبر ويبان للناس كلها بالهيئه الي صاحبها كان بيتمناها
انا مقولتش متلعبوش ولا تهزروش ...........بس كل شئ يبقا بحدود وفي نفس الوقت تعطي قدر لنفسك انك تفكر
وتتناقش مع غيرك في المواضيع الموضوعه بجد دي حاجه جميله اوي
طب انت جربت تعمل كدا ........ليه بتقول يا عم كبر ...........عقلي مفوت شويه صح ...مش مشكله

طب لو قولتلك اني جايه ...وعايزه المنتدي يبدا بدايه صح هيبقا ايه قولك وايه رايك في الكلام دا
يا شباب ..يا بنات .......... احنا من جيل فاشل ولا تافه بالعكس احنا نقدر نعمل المستحيل بس كل حاجه محتاجه وقت ........اعطي الفرصه لنفسك ...........
انا عارفه انك بتقول مين المجنونه دي
بس اكيد نفسك بتقولك هي عندها حق في كل كلمه
وفيه الي بيقول يا عم كبر دي مزوداها اوي و و و ............ ممكن يطلعوني مجنونه بجد وهما بيقراوا الكلام دا
انا عضوه اه في المنتدي
بس انا هتعاون مع الاداره عشان اعمل كل جهدي انه يكون منتدي بجد ..........مش لعب عيال
وانتوا كمان ليكم عامل فعال ........
واسفه لو قلت ان لو الاداره في ايدي ولقيت حد بجد داخل لمجرد لعب فقط فقط فقط لا غير صدقوني هلغي عضويته او علي الاقل احذره قبلها ,,,,,,,,انا مش بهدد بجد
وربنا عالم بالي في نيتي
بس بجد يا شباب كل واحد من جواه يشوف هو بيعمل ايه ويحاول يصلحه

وفي النهايه
اقولكم عمري عشان ما تحتاروش

انا 21 ونص يعني ..............اهو قولوا بقا دي وصلت خلاص ومش عارفه ايه
اقولك انا في بدايتي في المنتديات كنت بهرج كتير جدا جدا بس عمر ماحد فقد الثقه فيه
وفي نفس الوقت كان ليه رايي الخاص علي كل موضوع وكمان بطلق لنفسي العنان بالكلام بحريه دون تقيد
يعني لعب +جد مع بعض

انا قولت كل الي عندي والي كان نفسي اقوله واخره واكيد فيه غيري
كان عايز يقول نفس الكلام
بس انا بادرت ..............ياتري هيكون ايه رد فعلكم
مستانيه ردودكم
واسفه علي الاطاله الممله ديه ...اسفه بجد
مستانيه ردودكم